0 40

ЩэрыуапIэр Iоныгъом Мыекъуапэ къыщызэIуахыщт

Майкоп, 2 августа - АиФ-Адыгея.

Адыгеим и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат тыгъуасэ Мыекъуапэ испорт псэуалъэхэм, Адыгэ Республикэм ихэшыпыкIыгъэ командэхэр зыщагъэхьазырырэ Гупчэм ищэрыопIакIэ ащыIагъ. Зигугъу къэтшIыгъэ комплексыр атыгъах.

КъумпIыл Мурат псэуалъэр къыплъыхьагъ, ащ къыпэIулъ чIыпIэм изэтегъэпсыхьан фэгъэхьыгъэу пшъэрылъ заулэ афишIыгъ. Iоныгъом икIэуххэм щэрыуапIэр къызэIуахынэу рахъухьэ. Адыгэ Республикэм физическэ культурэмрэ спортымрэкIэ и Комитет итхьаматэу Дэгужъые Мурат къызэриIуагъэмкIэ, щэрыуапIэр непэрэ шапхъэхэм адештэ, республикэ, урысые мэхьанэ зиIэ зэнэкъокъухэр ащ щызэхащэнхэ алъэкIыщт, къэзытхырэр АР-м и ЛIышъхьэ ипресс-къулыкъу.

Комплексым зали 2-рэ ищыкIэгъэ техническэ, административнэ унэхэмрэ хэтых.

Адыгеим и ЛIышъхьэ ипшъэрылъхэр пIэлъэ гъэнэфагъэкIэ зыгъэцакIэрэм Олимпийскэ чемпионэу Сергей Алифиренкэм, Паралимпийскэ чемпионэу Валерий Пономаренкэм, ахэм ятренерэу, Урысыем изаслуженнэ тренерэу Георгий Гуляйченкэм щысэ атырахызэ, Адыгейми, Урысыеми щытхъу къафахьызэ тиспортсменхэм текIоныгъэшхохэр мыщ щашIынхэ зэралъэкIыщтым ицыхьэ зэрэтелъыр къыIуагъ.

Оставить комментарий
Вход
Комментарии (0)

  1. Пока никто не оставил здесь свой комментарий. Станьте первым.


Все комментарии Оставить свой комментарий
Самое интересное в регионах