0 46

КъумпIыл Мурат Урысые форумым хэлэжьагъ

Урысые политикэ партиеу «Единэ Россием» ифорумэу «Городская среда» зыфиIорэр тыгъуасэ Краснодар щыкIуагъ.

Партиеу «Единэ Россием» и Тхьаматэу, Урысые Федерацием и Премьер-министрэу Дмитрий Медведевыр ащ хэлэжьагъ. Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат зипэщэ лIыкIо купри форумым щыIагъ.

Форумым къыдыхэлъытагъэу дискуссионнэ площадки 4-мэ Iоф ашIагъ, Дмитрий Медведевыр къызыщыгущыIэгъэ зэхэсыгъуи щыIагъ. Партиеу «Единэ Россием» ифедеральнэ проектхэм яэкспертхэр, якоординаторхэр, Къэралыгъо Думэм идепутатхэр, Урысые Федерацием и Правительствэ хэтхэр, хэгъэгум ишъолъырхэм ялIыкIохэр къалэхэм язэтегъэпсыхьан тегущыIагъэх, къэзытхырэр Адыгэ Республикэм и ЛIышъхьэ ипресс-къулыкъу.

Шъугу къэтэгъэкIыжьы: 2016-рэ илъэсым итыгъэгъэзэ мазэ партиеу «Единэ Россием» и Генеральнэ совет и Президиум унашъо ыштэгъагъ партийнэ проектыкIэхэр, «Къэлэ цIыкIухэм япаркхэр», «Городская среда» зыфиIохэрэри ахэм къахиубытэу, пхырыщыгъэнхэм фэгъэхьыгъэу. АдыгеимкIэ ащ фэдэ проектхэр зыщагъэцэкIэщтыр Мыекъуап ары. Мыгъэ республикэм икъэлэ шъхьаIэ унэ 41-рэ къызыхиубытэрэ щагу 19 щызэтырагъэпсыхьащт.

Ведомствэ зэфэшъхьафхэм якомиссиехэм зэхэсыгъоу яIагъэм республикэм имуниципальнэ образование пстэуми япащэхэм пшъэрылъ щафашIыгъ шэкIогъу мазэр имыкIызэ псэупIэхэр зэрэзэтырагъэпсыхьащт шIыкIэр къыхахынэу, муниципальнэ программэхэм ягъэхьазырынкIэ Iофхэр агъэлъэшынэу.

Оставить комментарий
Вход
Комментарии (0)

  1. Пока никто не оставил здесь свой комментарий. Станьте первым.


Все комментарии Оставить свой комментарий
Самое интересное в регионах