0 26

КъумпIыл Мурат федеральнэ министрэхэм зэдэгущыIэгъухэр адыриIагъэх

Майкоп, 8 марта - АиФ-Адыгея.

Адыгеим и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат Москва щыIэзэ, Урысые Федерацием промышленностымрэ сатыумрэкIэ иминистрэу Денис Мантуровымрэ Урысыем и МЧС ипащэу Владимир Пучковымрэ аIукIагъ.

КъумпIыл Муратрэ Денис Мантуровымрэ Урысыем промышленностымрэ сатыумрэкIэ и Министерствэ къыфэгъэзэгъэ къэралыгъо программэхэм Адыгэ Республикэр зэрахэлэжьэщтым епхыгъэ Iофыгъохэм атегущыIагъэх. Урысыем и МЧС ипащэу Владимир Пучковым зыIокIэм, Адыгэ Республикэм и ЛIышъхьэ ипшъэрылъхэр зыгъэцэкIэрэ КъумпIыл Мурат къыIуагъ Мыекъопэ, Тэхъутэмыкъое районхэм ямэшIогъэкIосэ къулыкъухэм ахэтхэр зэримыкъурэр, къэзытхырэр АР-м и ЛIышъхьэ и пресс-къулыкъу.

МэшIогъэкIосэным фэгъэзэгъэ депоуитIу поселкэу Яблоновскэмрэ селоу ХъымыщкIэйрэ ащыгъэпсыгъэнымкIэ республикэм федеральнэ IэпыIэгъу ищыкIагъ. Джащ фэдэу республикэм и МЧС иштат хэт нэбгырэ пчъагъэр нахьыбэ шIыгъэн зэрэфаеми тегущыIагъэх.

Оставить комментарий
Вход
Комментарии (0)

  1. Пока никто не оставил здесь свой комментарий. Станьте первым.


Все комментарии Оставить свой комментарий
Самое интересное в регионах