0 23

Гъэсэныгъэм иIофыгъохэм атегущыIагъэх

Майкоп, 14 апреля - АиФ-Адыгея.

Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат IофшIэным епхыгъэу Москва зыщэIэм Урысые Федерацием гъэсэныгъэмрэ шIэныгъэмрэкIэ иминистрэу Ольга Васильевам зэIукIэгъу дыриIагъ.

Урысые Федерацием и Президент ижъоныгъокIэ унашъохэм ягъэцэкIэн къыхиубытэу кIэлэегъаджэхэм ялэжьапкIэ хэгъэхъогъэным, гъэсэныгъэ зыщарагъэгъотырэ учреждениякIэхэр республикэм щыгъэпсыгъэнхэм, кIэлэцIыкIухэм языгъэпсэфыгъо уахътэ тэрэзэу зэхэщэгъэным ыкIи нэмыкIхэм атегущыIагъэх.

ЕджапIэхэм яавтобусхэм ягъэкIэжьын иIофыгъо хэушъхьафыкIыгъэу къыщыуцугъэх. Урысые Федерацием и Правительствэ къышIыгъэ пшъэрылъхэм атегъэпсыхьагъэу 2017-рэ илъэсым бэдзэогъум и 1-м къыщегъэжьагъэу кIэлэцIыкIухэр зэращэнхэм пае илъэси 10-м нахьыбэрэ къызфагъэфедагъэу транспортыр щыт хъущтэп, къэзытхырэр АР-м и ЛIышъхьэ ипресс-къулыкъу.

Ащ къыхэкIэу республикэм автобус 23-рэ мы илъэсым щызэблэхъугъэн фае, 2018-рэ илъэсым — джыри автобус 11.

КъумпIыл Муратрэ Ольга Васильевамрэ зэпыу зыфэмыхъурэ гъэсэныгъэр Адыгеим зэрэщызэхэщагъэм тегущыIагъэх, анахьэу мылъку-техникэ лъэныкъохэмкIэ ыкIи кадрэхэмкIэ ахэр зэтегъэпсыхьэгъэнхэм иIофыгъо.

Оставить комментарий
Вход
Комментарии (0)

  1. Пока никто не оставил здесь свой комментарий. Станьте первым.


Все комментарии Оставить свой комментарий
Самое интересное в регионах