0 44

АР-м и Правительствэ зычIэт унэм ыпашъхьэ автомобильхэр щызекIохэу ашIыщт

Майкоп, 15 февраля - АиФ-Адыгея.

Адыгеим и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат къалэу Мыекъуапэ ипащэу Александр Наролиным пшъэрылъ фишIыгъ ГИБДД-р игъусэу Адыгэ Республикэм и Правительствэ зычIэт унэм ипэчIынатIэу Жуковскэм ыцIэкIэ щыт урамым автомобильхэр рыкIонхэм иIофыгъо хэплъэнэу.

«Мыекъуапэ щыпсэухэрэм ар ялъэIоу щыт ыкIи, къызэрэсшIошIырэмкIэ, мы мэфэ благъэхэм а чIыпIэм автомобильхэр щызекIохэу шIыгъэныр тэрэз хъущт. Ащ дакIоу къалэм игупчэ машинэ уцупIэу иIэр нахьыбэ шIыгъэн фае. Автомобильхэр нахьыбэ мэхъух ыкIи ар къыдэлъытэгъэн фае. ЗэкIэ гъогузекIоным хэлажьэхэрэмкIэ Iэрыфэгъоу, щынэгъончъэу щытыным пае арэущтэу шIыгъэмэ нахьышIу», —къыIуагъ КъумпIыл Мурат.

Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцакIэрэм Мыекъуапэ имэр пшъэрылъ фишIыгъ къалэм игъогухэм япхыгъэ стратегием специалистхэр къыхигъэлэжьэнхэу, къэзытхырэр АР-м и ЛIышъхьэ и пресс-къулыкъу.

ЦIыфхэм ящыIакIэ нахь щынэгъончъэным ыкIи нахь Iэрыфэгъу хъуным пае зигъо хъугъэ лъэныкъохэр къыдэлъытэгъэнхэр ищыкIагъ.


Оставить комментарий
Вход
Комментарии (0)

  1. Пока никто не оставил здесь свой комментарий. Станьте первым.


Все комментарии Оставить свой комментарий